中環出更：旺角居民拉隊聲討漢奸黎
連日來有多批示威者踩上壹傳媒黎智英（漢奸黎）嘅寓所外抗議，直斥漢奸黎係賣國賊，怒吼叫佢滾出香港。尋日再有一批示威者到場，怒斥漢奸黎黑金亂港、反中亂港賣國賊，並高呼反港獨、反暴力同反黑金。
離開後再折返示威
二十名自稱係旺角居民嘅人士，帶同一名乘坐嬰兒車嘅女童，聲稱自發到漢奸黎位於何文田嘅寓所門外示威。示威者約於早上十時抵達，並舉起寫有「反中亂港賣國賊 禍國殃民遺臭萬年」、「反港獨反暴力反黑金」等標語同橫額，並手持五星旗沿途揮舞，大叫口號示威，示威者逗留至約十一時十五分便自行離去。及至下午一時四十五分左右，佢哋又再折返示威，逗留到二時四十分左右離去。
近期針對漢奸黎嘅示威行動不絕，自六月十日起計，包括尋日行動在內，到漢奸黎寓所及將軍澳壹傳媒大樓外示威嘅行動最少達七十五次，當中自稱霸王國際集團員工及苦主佔十次、正義聯盟佔三次，旅遊業界及其他人士則有六十二次。
卓妮