政情：公民講場：假本土播獨梁游真身被揭

青年新政嘅立法會議員梁頌恆同游蕙禎，堅持唔肯就宣誓「加料」、疑似爆粗同辱華言論道歉，搞到政府入稟法院提出司法覆核，立法會主席梁君彥仲未決定係咪畀佢哋聽日再宣誓。然而宣誓風波愈演愈烈，尤其佢哋早幾日去咗台北嘅台灣大學出席講座，更挑起內地嘅神經，尋日國台辦發言人安峰山猛烈批評台灣頑固台獨分子同港獨分子勾結，妄圖分裂國家，必將遭到兩岸同香港同胞嘅反對，更加唔會得逞。梁頌恆同游蕙禎過去一直強調係本土派，仲提倡本土自決，但國台辦呢番批評，好明顯就撕破咗佢哋只係假本土，實則係真港獨喇！