院友充員工 床底污糟有老鼠 六旬婦哭訴姨甥孫「康橋」生活
【本報訊】「瞓醒以為佢唔喺度，好似對佢唔住。」曾讓患輕度智障的姨甥孫入住「康橋之家」半年的六旬女士，昨日與社會福利署會面後，聲淚俱下控訴該院舍問題多多，如有院友要做埋員工一份，幫其他院友打掃洗衫，院舍的環境及安排，令親人過着非人生活，「個姨甥孫話有老鼠，食飯又要食得好快，職員呢頭開飯，嗰頭收枱」，令她大感痛心，常於晚上發噩夢，早上又擔心親人因職員照顧不當而發生意外，決定接走姨甥孫自己獨力照顧，以後不再讓他入住任何院舍。
六十一歲林珍女士說，二○一三年因自己情緒有問題，未能親自照顧現年十六歲、患輕度智障的姨甥孫「肥仔」，經社工轉介把「肥仔」送到「康橋之家」，但從她半年的觀察，院舍「照顧」院友手法令人側目，姨甥孫變得易發脾氣，要她在這兩年重頭教過「肥仔」處理情緒。
毛巾非常乾 「可能好少沖涼」
據林珍憶述，「肥仔」曾住康橋二樓及三樓，二樓只有兩名職員處理文書及送飯，「我問啲衫畀邊個洗，院友話畀佢，後來知道院友自己做番清潔、洗地、洗衫，仲做得幾乾淨」，至於陪着「肥仔」食飯更是心痛，「佢要食得好快，睇住佢食飯，我就想喊」，她又發現一眾院友的沖涼毛巾非常乾，「可能好少沖涼」。
後來，「肥仔」搬到三樓，她在其床底掃出很多雜物，「職員叫我唔好理床下底，但我打掃出嚟，好污糟，好污糟！」