家明和國強為倉務員，經常要搬運貨物。這天，家明搬運貨物後按着腰部說︰「最近成日都腰痠背痛，成身唔舒服，連放工出去玩嘅心情都冇晒。」
國強說：「家明，你開工前有無做熱身運動？」
家明說：「工作前熱身？運動前做熱身運動就聽得多，開工前做熱身？咪講笑啦，每日做嘢都趕頭趕命咁，仲邊有時間做熱身運動呀？」
國強說：「我一向都會在開工前做足熱身運動。即使你身體再強健及再年輕，唔做足熱身運動都會增加體力勞動時受傷嘅風險。」
家明問：「熱身運動原來咁重要！咁熱身運動應該點樣做？」
國強答：「首先，我們要重新認識熱身運動。熱身運動係指運動前嘅準備動作。目的係提高體溫同令身體及肌肉反應可以更加靈活。熱身前應留意以下幾點：一、運動量應由小開始，並逐漸增加。二、熱身運動唔可以過分劇烈。三、熱身應包括伸展運動及緩步跑。」
國強繼續說：「其實除咗開工前做熱身運動，喺公餘時間，我哋都應該經常做運動鍛煉身體。如果能夠持之以恒做運動，除咗可以增強心肺功能，促進血液循環，更可以促進新陳代謝，防止脂肪積聚。身體健康，工作自然更得心應手。常做運動更可舒展身心，你知香港工作壓力大，做運動幫助消除工作及生活所帶嚟嘅壓力絕對係一個好方法。」
家明道：「原來係咁，即係生活再忙碌，適量運動都唔可以少。下星期開始，不如我們一齊去游水同跑步啦！」
職業安全健康局
www.oshc.org.hk