政情：今日你上鏡：吳傑莊上鏡30秒 拍足兩日

青聯主席吳傑莊早前喺facebook上載咗幾張拍攝期間嘅花絮相同埋夜景，仲話「終於出爐」，原來係佢幫全國青聯拍宣傳片時影嘅。佢話全國青聯搵咗二十位唔同行業嘅青年拍攝該段約十分鐘嘅短片，並以中國青年的一日為概念，包括有姚明、喺鳥巢工作嘅清潔工人同熊貓護理員等等，而佢就代表香港、IT及創業。雖然佢最終出鏡時間只係三十秒， 但就拍咗兩日。 一日喺廣州西塔欣賞日落， 另一日早上就去到廣州嘅畔溪茶樓飲茶， 演繹港人飲完茶後開會工作嘅生活。