香港人口老化嚴重，尤其係基層長者好倚靠公營醫療服務，但有團體尋日公布一項調查結果，發現逾五成受訪長者指預約普通科門診非常唔方便，有兩成長者更會因未能預約而放棄求助，唔接受醫療診治添！最大嘅問題係電話預約系統唔方便，長者未能消化語音指示，經常要致電多次先能夠成功預約，甚至放棄，被迫「排街症」。其實，過去好多人都鬧爆電話預約唔方便長者，但係醫院管理局踢極都唔郁，醫管局主席梁智仁仲唔快啲諗計優化系統，係咪想見到啲長者有病都唔醫吖？
