政情：八網難逃：狄志遠踢黃成智出谷

狄志遠、黃成智

退黨好耐 仍用群組宣傳

狄志遠話成智已退出新思維好耐，理應唔可以再用新思維嘅資源，包括記者資料，但成智竟然喺群組中宣傳個人經營嘅社企，認為行政管理上應該處理一下。佢話避免尷尬情況再出現，尋日亦將群組內嘅前黨員踢走，強調並唔係針對成智。

• 狄志遠尋日將黃成智踢出新思維嘅群組（紅框示）。（讀者提供）

被問到踢出群組前有無知會成智，佢話：「好少事啫，遲吓講。」佢又話選舉之後都未有時間同成智聯絡，至於日後會否合作，佢就話唔希望黨員出出入入。佢同成智本身都算係沙煲兄弟，佢都間接係因為成智先至退出民主黨，估唔到家吓因為個選舉就反目，仲要互不聯絡咁，搞成咁相信無人會估到。