政情：今日你上鏡：梁嘉彥向劉燊濤 取經學扮靚

好多人都會買多幾隻錶來配襯時裝，早前鐘錶界及紡織界就合作搞咗場時裝騷，希望跨界別合作創雙贏。我哋見到立法會議員梁君彥嘅細佬、毛織創新及設計協會主席梁嘉彥（Lawrence），問佢會唔會買錶襯吓衫，佢就笑稱自己冇咁「進取」，事關男人嘅衣服離不開黑、灰及藍色，都唔使點轉錶款喎！雖然Lawrence好少買錶畀自己，但就自爆經常買錶畀太太，佢話女士喺買錶襯衫方面比男士「進取」得多。不過，佢轉頭見到世姪香港表廠商會副會長劉燊濤（Gary），即刻賣口乖話要跟Gary學吓點扮靚喎！