政情：狂掃同款裙 小麗黑沉沉
候任九龍西立法會議員劉小麗（小麗）經常以黑色裙示人，再配一件西裝褸，服飾變化不大，好似每日都着住同一條裙。其實小麗只係貪襯衫方便，經常大批購入一式一樣嘅裙，難怪每次都以黑裙亮相喇！
一次買五件或以上
小麗透露，已經試過好幾次買衫裙時，都一口氣購入五件或以上，呢個習慣真係夠晒特別。一次過買咁多條裙，咁小麗咪要勤做運動，保持身段先可以避免浪費？佢就話好彩買開都以鬆身裙為主，可以無懼身形變化以免造成浪費。
由於小麗話偏好深色衫，未知係咪顏色過於沉悶，選舉期間都有人建議佢改變形象。小麗都認為呢個建議唔錯，認同可以改變一下造型。未知佢進入議會後，有無時間去打造另一個形象呢？