不忿乘車優惠被查證 巴士阿叔舌戰車長
【專案組報道】兩元的長者乘車優惠，替一眾長者省不少錢，不過單憑樣貌去分辨乘客的年紀是否符合長者資格，相信亦有點難度。近日網上就流傳一段影片，一名紅衫阿叔以長者價搭巴士，卻又拒司機查證而引發爭拗，影片中阿叔以私隱為由，理直氣壯指司機無權查他，巴士因此停駛亦惹乘客不滿。網民看過影片後則異口同聲指摘阿叔不是，認為如果他符合資格，根本無懼畀人查。
雙方爭拗 巴士停下
影片在一部巴士內拍攝，相信拍攝者為巴士司機，影片甫開始就見頭戴黑色cap帽、身穿紅衫的阿叔，站在近車頭位置，雙手叉腰對着鏡頭連珠炮發：「檢查我嗰張卡o架，係無寫o架，我點解要畀你睇呀，我依家口頭話畀你聽，你係無權嘅，嗱你再唔開車呢，就係你自己錯o架咋，唔關我事呀，八達通係你無權檢查o架。」
影片所見，巴士當時並無行駛，相信因為雙方的爭拗而無開行。阿叔其後稍稍行進車廂中，然後又不忿地回頭手指指說：「咁寸，真係樣樣嘢有得睇o架？」、「我啲嘢你睇？你都戇居o架。」
他之後又在車內踱來踱去，繼續唸唸有詞：「我都忍你哋班司機好耐o架喇，話畀你聽吖。」此時車上受影響的女乘客都忍不住搭嘴，有人謂：「睇吓你點樣處理都好啦，唔好搞到我哋先得，你兩個都係一啖氣之嘛。」至影片完結時，情況依然是僵持不下，巴士仍未開動。