探射燈：置室溫宜兩小時內煮熟進食

「呢類菌繁殖時會釋出毒素，一旦感染，連抗生素都冇辦法完全清除。」香港醫學會會長蔡堅指出，豬牛內臟藏有大量革蘭氏陰性菌，包括大腸桿菌等，或會隨屠宰過程感染其食用肉的部分。

內臟含毒素 嚴重可致命

「凍肉一旦被解凍，裏面嘅細菌就會開始活動同繁殖，就算之後將佢重新急凍或者煮熟，最多只可以減弱細菌活動或者殺菌，冇辦法清走細菌分泌嘅毒素。」蔡稱，革蘭氏陰性菌的毒素毒性極強，可引致急性腸胃炎、食物中毒、休克等嚴重病徵，甚至觸發多個重要器官衰竭，最終死亡。

候任立法會議員潘兆平指，政府有責任監察食物安全，若有商人違規販賣有問題凍肉，當局有必要加強巡查及規管。