前年佔領行動期間，立法會大樓變成無掩雞籠，泛民主派議員任由佔領人士自出自入過夜，或是當做儲物室放置佔領物資。事隔兩年，新當選嘅候任新界西議員朱凱廸聲稱收到死亡威嚇，出動大批警力保護佢，點知佢仲未放心，擔心經過一段時間後，威嚇又會重現，所以竟然話想搬去立法會大樓居住喎！唔通一家大細住喺立法會方便煮食同洗衫？其實朱凱廸真係計錯數，立法會並唔係佢想像中咁安全，有乜事警方都無權即時入內執法，要等到立法會邀請介入先得，但講到底立法會係唔會容許佢居住囉！
