食肆員工與屋苑住客「搶水」

【本報訊】受連環爆鹹淡水管事故影響的新葵芳花園及葵涌廣場食肆林立,因停水無法做生意,有酒樓索性停業,亦有食店為了維持營業,出動多名員工,動用大大小小水桶到水務署的水車或水箱取水,樓上住客亦紛紛到來取水,一度出現「搶水」,場面混亂。

酒樓截客 損失10萬營業額

新葵芳花園廣場一家酒樓,據姓梁女經理指朝早六點已經坐滿茶客,剛爆水管時仍有食水供應,服務未受影響,詎料一個多小時後突告停水,茶水供應中斷,惟有為食客截單,並停止接待其後而至的客人。梁經理表示,早市損失三萬多元營業額,加上至晚上才恢復供水,午市、下午茶及晚市俱不能營業,估計損失十萬元。

葵涌廣場地下多間食店亦受影響,車仔麵姓吳女東主稱,泥水湧入店內浸至腳跟,失去六至七成食客,同時因無食水供應,她與員工要輪流到街上取水,才能繼續做生意。另一檔串燒食店東主蘇太指,平日早上六時便開檔,因爆水管需延遲至九時,損失約三成生意額。

由於兩個屋苑因爆水管停水,不少住客落樓取水,新葵芳花園姓楊住客稱,同時無鹹水和食水,煮食及沖廁也不便,但輪候取水時,要與食肆商戶同排一條隊,惟因商戶需要大量用水,故出動大膠桶,令住客輪候時間大增,怨聲載道,認為兩者應該分流。

第一手消息請下載on.cc東網iPhone/iPad/Android/Windows Phone Apps