上屆立法會泛民主派展開全天候拉布，拖垮唔少政策及阻慢工程進度，令工程嚴重延誤同超支，最終又係納稅人埋單找數。發展局局長陳茂波（波叔）尋日發表網誌，借機批評拉布嘅議員，指依家工務工程上面對嘅最大難題，並非喺工程技術方面，而係政治上嘅挑戰，例如立法會「拉布」。佢又批評，過於簡化嘅政治口號，無助解決現實社會中複雜嘅問題。波叔喺尋日咁敏感嘅日子講呢啲嘢，唔使畫公仔畫出腸都知佢用意何在啦！
