資深工業家、震雄集團主席蔣震日前九十三歲生日，同最細嘅五歲外孫女跳舞，認真溫馨！據知當晚生日會，現場安排咗樂隊演奏多首五十年代金曲，包括《往事只能回味》、《夜來香》、《何日君再來》等等，而現場所有女士，甚至孫仔都輪流邀請蔣震跳舞，跳足幾個鐘，但跳得最好嘅依然係蔣震同太太，夫妻檔最合拍。蔣震啲孫仔孫女仲送上唔少小禮物，例如寓意「長命糖」嘅一串糖及有壽星公嘅筆，蔣震真係滿載而歸呀！
（互聯網）
