政情：公民講場：波叔懶醒邀功「瘦身」自暴其短

依家香港嘅大型工程超支嚴重，而發展局局長陳茂波（波叔）尋日喺網誌話，六月底獲立法會撥款增設嘅「項目成本管理辦事處」(控本辦)，至今為近四十項工務工程「瘦身」，聲稱可節省幾十億元開支，仲話控本辦未來三年將繼續審視三百項處於規劃設計階段嘅項目，確保公帑用得其所。但係有學者直指近年工務工程超支延誤已成常態，既質疑「瘦身大計」或會弄巧反拙，又質疑承建商為求削支必將貨就價，甚至無法如期交貨，預言「慳慳埋埋唔夠冚數」。控本辦只係成立咗幾個月，波叔咁心急走出嚟認叻，依家邀功不成，仲畀人鬧，簡直係自己攞嚟衰。