百合照相館結業永留33載情
【專案組報道】近年不少老店一間又一間結業。位於沙田第一城銀城商場的百合照相館，亦敵不過時代的變遷。業主要求收回舖位，十月就要為卅三年感情畫上句號。老闆嚴小姐（Lisa）對這間老店依依不捨，對多年的街坊情更是難捨難離。
百合照相館進入倒數階段，舖面貼上「留着此刻，感謝你們三十三載情」，不少街坊都特意到照相館查詢結業原因，多年的街坊情令Lisa感動不已：「好多人由一至兩歲影到畢業，結婚都特登嚟請食餅，有啲客三代都幫襯我哋。」Lisa指，不少客戶搬離沙田區後，亦會專程返回拍照。訪問當日，杜太帶同女兒到照相館影幼稚園入學證件相，她笑言自己兒時亦在此拍攝證件相，對結業消息感到可惜。
諾貝爾獎楊振寧光顧
卅三年時光，回憶自然不少，其中令Lisa難忘的顧客，如最早獲得諾貝爾獎華人楊振寧。「嗰時佢喺中文大學授課後經過，同埋佢媽咪一齊嚟影相。」Lisa與楊振寧更成為朋友，楊會定期致電詢問近況。
Lisa說：「業主都想我哋留低，叫我哋搬去另外一個位，不過拆舖還原估計要多三十幾萬。」Lisa與兄長一九八○年創業，於沙田開設第一間沖印及攝影店。八十年代為事業高峰期，曾經有七間店舖。但隨着港人北上影結婚相，加上舖租愈加愈高，最後一間位於第一城的百合照相館，亦難逃結業的命運。