政情：公民講場：教育創科樣樣輸 吳得掂楊偉雄責無旁貸

港府成立創新及科技局銳意推動創新科技發展，但香港喺全球創新指數排名卻不升反跌，下跌三位至第十四位，再輸畀競爭對手新加坡，無論喺知識同技術成果都表現遜色，教育投放亦相對其他國家少，反映創科及教育政策都有改善空間。眾所周知，創科同教育分別由局長楊偉雄同吳克儉（吳得掂）主責，其中楊偉雄上任近一年以來，似乎未見顯眼政績，最廣為人知只係擴充免費WiFi熱點。至於吳得掂就更惡劣，幾乎做嗰樣衰嗰樣，同樣政績欠奉，反而外訪外遊賞櫻賞紅葉最深入民心，咁樣搞法，排名唔下跌就奇喇！