中環出更：風雨難滅怒火 廿人大罵漢奸黎
風雨撲不熄市民嘅怒火，尋日再有二十多名人士冒雨踩上壹傳媒黎智英（漢奸黎）位於何文田嘅寓所外示威，佢哋不單止拉起「打倒黎狗 還我香港」等橫額，直斥漢奸黎無恥，更怒吼「黎智英滾出香港」，以示不滿。
怒叫「滾出香港」
尋日下午一時許，二十多名示威者帶同國旗及區旗冒雨踩上漢奸黎寓所外抗議並高喊口號，由於示威者阻擋車路，被保安人員要求企去另一邊示威，之後佢哋即場展示寫有「打倒黎狗 還我香港」等橫額，又高叫「肥佬黎無恥」、「滾出香港」等口號，但因天雨關係，示威者逗留約十五分鐘後和平散去。
近期針對漢奸黎嘅抗議行動不絕，包括尋日行動在內，自六月十日起計，到其寓所及將軍澳壹傳媒大樓外抗議嘅次數最少達三十八次，當中有自稱霸王國際集團員工及苦主佔十次、正義聯盟佔三次，包括旅遊業界同其他人士則有二十五次。
卓妮