政情：陳雲生趁鬼節組隊 捉廉署「內鬼」

陳雲生組成「全城捉鬼大聯盟」（圖），要求廉署徹查洩密嘅「內鬼」。（互聯網圖片）

發起「捉鬼大行動」

廉政公署早前發生李寶蘭被取消署任執行處首長而辭職的風波，繼而引發內部「地震」，坊間更不斷傳出廉署嘅內部消息，陳雲生懷疑廉署有「內鬼」洩露內部消息。有見及此，佢於是組成「全城捉鬼大聯盟」，仲出咗張宣傳海報，話「內鬼不肅清，廉署怎安寧？」又指「內部消息隨口噏，私隱外洩怎了得！」

• （互聯網圖片）

咁都不特止，大聯盟仲發起「捉鬼大行動」，呼籲市民同網友喺八月二十一日下晝兩點集會，跟住齊齊去北角廉署總部，要求廉署徹查隱藏喺內部嘅洩密者，即係捉「內鬼」喇！