政情：今日你上鏡：影響導航方保僑：開車咪孵蛋

全城熱玩Pokémon Go遊戲，想不到香港資訊科技商會榮譽會長方保僑（Francis）更是資深玩家，遊戲角色已經升到二十四級，收服咗逾百款精靈，比不少放暑假中嘅學生玩家更犀利。除咗每日抽時間陪囡囡落街捉精靈同挑戰道場外，Francis更會喺開車期間開住game「賺里數」孵蛋。不過，佢就發現打開遊戲同時又使用手機嘅地圖導航，導航明顯受到影響，例如未能顯示最短的行車路線，搞到佢兜咗幾次遠路，所以佢話唔再開車孵蛋，以免導航出錯發生危險，亦呼籲大家開車都係唔好玩喇！