政情：今日你上鏡：一講生意 李應生耍手擰頭

零售市道唔好，各行各業都唔多唔少受到影響，尋日我哋喺香港中華總商會會員大會上見到常務會董李應生，本身係百成堂老細嘅佢講起近期生意情況時耍手擰頭，似乎唔多理想。不過雖然受市道下滑影響，但佢一樣非常積極，仲話嚟緊星期五會同其他機構及商戶舉辦一個吉林省食品推介會，事關吉林距離香港比較遠，大家未必好熟悉吉林有乜嘢美食或盛產，好似大米、木耳同參茸等其實都好出名，希望透過舉辦多啲呢類活動吸客。