根據非正式統計，巴西有100萬人參與性工作行業，當中有1.2萬人，希望趁里約奧運搵大錢，包括23歲茱莉安娜：「外國遊客好期待同巴西女性試下，其實佢哋多數有老婆或者女友，所以唔會惹麻煩，合照亦都好少。」
茱莉安娜又自爆，學英文同玩facebook自我增值，目的係成為最搵錢囡囡，甚至希望有運動員做佢男友，幫佢脫離呢個行業。當然啦，報道話茱莉安娜每星期工作3日，平均1日接4個客，標準收費去酒店每小時100鎊（約1000港元），比其他囡囡平均每小時收20鎊（約200港元）貴好多，包夜仲要1,400鎊（1萬4千港元），每日至少幾千蚊港紙收入，又難怪茱莉安娜咁進取！