政情：公民講場：哀哉 大專生薪低 吳得掂點睇？

古語有云「書中自有黃金屋」，就連月薪成三十萬元嘅教育局局長吳克儉（吳得掂）都話自己每月睇三十本書。不過，今時唔同往日，有機構公布本港各世代嘅大專生收入比較研究報告，根據調查研究結果發現，上年專上課程畢業生嘅起薪點為一萬零九百三十四元，係十年來最高，但諷刺嘅係竟然仲低過九五年經通脹調整後嘅一萬二千一百四十一元。綜觀所有二十歲以上、持專上學歷人士收入嘅中位數，九五年嘅收入中位數為二萬零四百多元，而上年嘅收入中位數竟比十年前少咗接近兩成。大專畢業生收入大倒退，都咪話唔閉翳，睇嚟真係要請教吓吳得掂先得喇！