探射燈：鼓勵搵工回復自信 助重投社會

露宿於跑馬地的菲律賓裔婦人Lisa（化名）表示，早年婚姻失敗後，曾經在社工介紹下，到不同餐廳當侍應，惟工作期間不斷受到同事的冷嘲熱諷，「我轉過好多次工，但情況都冇改善到，慢慢我好驚同人相處，同埋唔想留喺多人嘅地方，瞓喺呢度，收埋自己，反而令我覺得最舒服。」

議員倡從住屋入手

「見到女露宿者，我哋會建議佢哋去啲通宵營業嘅快餐店過夜，始終衞生啲同埋安全啲。」香港社區組織協會幹事吳衛東指，其組織反對落區派飯派食物予露宿者，因不想予人錯覺鼓勵露宿，相反會着重鼓勵露宿者重新融入社會，「同佢哋傾偈嘅時候，盡量令佢哋回復番對社會嘅信心，令佢哋肯踏出第一步，出去搵工，出去生活，見多啲人。」立法會扶貧小組委員會主席張超雄則認為，政府須從住屋方面入手，例如加緊增建供短期出租的單人宿舍，才可解決露宿者問題。