嫌大媽講電話大聲 港女巴士玩直播公審
【專案組報道】在巴士上若因小事與其他乘客爭執，不少人可能會拿出手機影下對方樣貌甚至拍片攝下經過，但原來這兩種方法已經過時，最新是拍片並於社交網站facebook直播以公告天下。有港女日前乘搭巴士時，不滿後座一名大媽講電話時聲音太大，出言干預大媽未有收斂，反而被對方破口大罵，港女於是拿出手機直播，大媽面對鏡頭及被直播顯得無力招架。
「唔好再問我咩事，大媽發奪命音波功」片中只見該名港女開啟了自拍鏡頭，除影着自己外，還拍到後方一名相信是文中所指的大媽乘客。
遭反問「你做咩影我相呀？」
大媽被手機影着顯得不自然，以不純正的廣東話質問：「你做咩影我相呀？」港女即回應：「唔係影你相，係直播，你咁出眾。」大媽說：「我喺度傾偈唔得咩？」然後顯得非常不自在，一度說要報警，一度又拿出手機反拍對方。
短片直播時獲得大批網民狂按Like及心心圖案支持，指港女做得好，「欣賞妳呀，EQ好高」，又指直播是對付無理大媽的撒手鐧，「直播呢招好用，唔使同佢勞氣」，「送大大個Like畀妳，叻女」，「你直播自己，佢又吹你唔脹，哈哈，激死佢，佢又影唔到你正面。」也有網友指出，雙方都不應該將小事化大。