本港樓價之前回落一段持間後又再掉頭穩步回升，在自由市場無法干預下，政府除咗不停出口術靠嚇壓抑市民買樓意欲，仲有刻意放大住宅單位潛在供應量。發展局局長陳茂波尋日又喺電台節目上話，未來三至四年一手住宅單位潛在供應達九萬三千個，係自○四年以來最高，但當中有七成都係蚊型細單位。政府一味容許劏細啲單位出售，除咗可以谷大潛在供應量，細價樓亦迎合市民嘅負擔能力，但當初特首梁振英唔係話港人值得「住大啲」咩？難為陳茂波為供應量沾沾自喜。
