張宇人投陳年車牌被抬價

較底價高三千元

話說尋日Tommy在拍賣場坐咗兩個幾鐘先等到自己心儀的車牌出場，點知競投時被人抬價，搞到佢足足用咗四千元先投得，較底價多三千元，佢就話車牌啲錢都係政府用嚟做善事啫！Tommy為立法會飲食界功能界別候選人，還有另一候選人伍永德。

講番個拍賣會，交投比較淡靜，全日推出二百八十個車牌拍賣，有七十五個無人競投而收回，全日拍賣款項約一百四十二萬五千元。一向較受歡迎嘅無字頭車牌，因底價過高致無人問津，包括開價二十萬五千元嘅「570」，開價時，現場更嘩聲四起；而全日最高成交價車牌為「LZ1」，以八萬八千元賣出。