中環出更：茅台之夜 張俊勇暢飲後戒酒

Thomas忽然話要戒酒，只怪自己飲酒太豪爽，搞到經常飲醉，覺得身體開始負荷唔到，加上年紀漸大都要注重身體。咁點解唔索性的起心肝戒酒，反而只係戒半年呢？佢就笑稱戒半年都好好喇！

莊家彬享受醉酒感覺

茅台之友協會青委會主任莊家彬（Albert）都有豐富醉酒經驗，但佢就話每次飲醉都好開心，大讚茅台醉酒係最舒服，皆因唔會頭痛。佢仲話，希望日後同餐飲聯有恒常聯誼，推廣以茅台入饌，呢位主席真係稱職。話時話，專家話飲醉一次白酒，等於得一次急性肝炎，為健康着想，大家都係淺酌怡情好喇。

摸住酒杯，最好就係交流吓生意經。太興飲食集團太子爺、餐飲聯青委會主席陳家強（Tommy）就話目前生意壓力唔太大，因為食材價格尚算平穩，而且以快餐模式經營有較高嘅抗逆能力，加埋包裝嘅配合仲頂得住，但都要時常保持創新先得。同場嘅紀惠集團副主席廖偉麟都有分享投資心得，佢估計投資市場未來會保持平穩，因為英國脫歐後會有不少資金回流，香港必然受惠。

卓妮

陳家強（左）大讚以茅台入饌好特別，莊家彬（右）希望藉此推廣茅台。

茅台之友青委會委員周雯玲（左）大讚活動有助交友，右為粵菜館禮賓傅創辦人石珮琳。