政情：游蕙禎自爆細個扮貞子

游蕙禎話佢嘅朋友、小學同中學同學，甚至阿Sir都曾經咁樣叫佢，所以佢覺得無所謂，對呢個稱呼唔太在意，仲覺得咁樣叫佢「都幾好吖」。一頭長髮嘅佢，仲自爆自己小時候返學，仲玩過扮「貞子」，學足貞子套恐怖片咁，喺電視機度爬出嚟嘅動作添！

有說蔣麗芸被指宣傳照片大執相，執到好似佢咁。游蕙禎亦自認有執相，仲指住自己塊面話：「我皮膚唔係好好，都有執。」仔細睇吓，其實佢所指嘅皮膚唔係好好，只係鼻頭睇到有毛孔啫！佢又話執相只係政界中人對建立形象嘅想法，令到自己好睇啲，咁唔係一種罪嚟嘅，佢亦想改善自己，令更多香港人相信佢。