政情：公民講場：罵人習非成是 波叔冇口話自己

早前牛頭角同長沙灣工業大廈先後發生大火，搞到人心惶惶，公眾更為關注工廈嘅消防隱患。發展局局長陳茂波（波叔）尋日喺網誌話地政總署喺未來幾星期會加強工廈宣傳，或會對公眾造成不便，望大家理解。另外，佢仲話目標係下個立法年度提出修例建議，又認為個別違法、違契經營者需徹底改變其「習非成是」嘅態度，唔應該為咗減低成本而罔顧市民生命安危。話時話，波叔自己咪又係「後知後覺」，工廈消防隱患都唔係依家先發生嘅問題，家陣等到出咗事先去處理，其實佢自己咪又係「習非成是」，真係有口話人，冇口話自己呀！