政情:政制局有賊?提示變驚嚇

政制及內地事務局有小偷?話說喺政制局嘅辦公室內,突然張貼一張由行政組發出的「辦公室保安溫馨提示」,內容為「請各位同事妥善保管個人及政府財物。」仲囑咐若對辦公室保安有任何意見,歡迎致電行政主任或與保安室聯絡。溫馨提示旋即變咗驚嚇提示,懷疑局內發生失竊事件,後來證實係虛驚一場,局方回應話,只是確保同事收到訊息,並冇發生失竊事件。

局方回應查詢,指當局重視辦公室嘅保安,一向定期透過內部電郵提示同事們妥善保管財物,喺辦公室張貼提示,只係確保同事接收到提示訊息,並唔係因收到失竊報告先報溫馨提示。

第一手消息請下載on.cc東網iPhone/iPad/Android/Windows Phone Apps