發展局局長政治助理馮英倫（Allen）一向官仔骨骨，之不過最近因應酬太多，肥咗七、八磅，搞到一早度身訂造嘅西裝完全唔啱着，惟有上網買過晒啲具有彈性嘅西裝。當問及會否再訂造過啲新西裝，Allen笑稱自己或者繼續增磅，決定於磅數開始穩定下來先會考慮再訂造西裝，佢最後更以其父親為例子，指父親以前四十幾歲都仲有得增磅，因此自己都唔敢咁老定喎！
