政情：今日你上鏡：喬寶寶討伐假難民靠晒梁美芬

尋日喺立法會議員梁美芬搞嘅活動上，竟然見到藝人喬寶寶都嚟撐場喎。佢哋有乜關係呢？原來，早喺○九年兩人已相識，事關喬寶寶搵梁美芬幫手處理一啲少數族裔嘅問題，而早前南亞匪打劫旺角報販「睡婆婆」，就令兩人走得更埋，喬寶寶主動發短訊畀梁美芬，仲係「幫理不幫親」，促請政府盡快解決假難民問題。喬寶寶尋日亦批評政府放任假難民問題，令「黑狗得食、白狗當災」，社會唔少人歧視冇犯事嘅少數族裔，希望梁美芬繼續跟進呢個問題喎。