中環出更:他信再現香江 唔知搞邊科?

泰國前總理他信自從十年前軍事政變,至今一直流亡海外,但就不時到訪香港或其他地方。尋日中午,我哋就見到佢喺灣仔嘅「名人飯堂」食晏,約一個半小時後就離開。未知佢今次訪港,仲有冇其他行程呢?

主動企定微笑拍照

他信喺舊年七月曾訪港,當時佢同女友人喺九龍香格里拉酒店香宮午膳。一年過去,他信似乎仍係咁「識飲識食」。今次佢喺中午十二時前就抵達名人飯堂,逗留至一時卅分左右離開。見佢身穿西裝、恤衫同牛仔褲,離開前同友人聊天,當佢得悉記者在場時,更主動合作「企定定」微笑拍照。其私家車座駕其後駛至,佢就坐車離開,車輛駛往灣仔皇后大道東方向。

據知,他信每次來港都會到名人飯堂食飯,連其胞妹、前總理英祿據稱來港便會到名人飯堂。記得喺舊年八月,泰國曼谷旅遊景點四面佛旁發生炸彈爆炸,未知他信有冇同女友人傾談相關事宜呢?

卓妮

第一手消息請下載on.cc東網iPhone/iPad/Android/Windows Phone Apps