政情：三個豆丁氹長者 添「歡」笑
香港義工聯盟尋日舉行分享會及青年義工團成立典禮，東華三院主席馬陳家歡（Katherine）都有到場，原來佢丈夫馬浩文（Hoffman）出任青年義工團團長，Katherine梗支持啦。佢哋育有三名分別兩歲至六歲嘅小朋友，Katherine話，平時都會帶子女做義工，例如去安老院唱歌，長者們見到咁得意嘅小豆丁不知幾開心。
Hoffman就話，希望成立青年義工團吸引更多青年投身義工行列，一來可以令港青拓展視野，二來可以進一步認識及關心社會，有助於建立正面積極嘅價值觀。暑假就到，Katherine同Hoffman幾忙都要陪小朋友去玩，遲啲一家五口會去美國坐迪士尼郵輪暢遊南美洲，享受難得嘅親子假期。