政情:佔中少女迷惘過後趨溫和

近年各大政黨開口埋口都話要新舊交替,積極吸納「新血」,其中主張行中間溫和路線嘅新思維竟然連參與過佔領行動嘅「佔中」少女都成功「收歸」。

曾因立場遭批鬥

今年二十一歲、喺理工大學中文及雙語系就讀嘅彭意婷(Marie)前年曾經參加過佔領行動,佢話喺佔領後感到好迷惘,覺得爭取民主唔一定要衝擊、掟磚,所以喺機緣巧合下,今年三月加入咗新思維做社區主任。

Marie話,參加佔領行動可以話係對佢嘅政治啟蒙,但之後就令佢好迷惘,仲令佢不斷諗之後可以再做啲咩爭取民主。

佢話試過喺大學參選學生會外務秘書一職,但最終落敗,之後喺理大前學生會會長、新思維秘書長黃俊瑯牽線下加入咗新思維。

後生仔通常比較血氣方剛、言行激進,Marie坦言,身邊同學多數都係本土派,當他們知道佢行中間路線時,都試過向佢「批鬥」,但佢就唔會爭辯,堅持行溫和路線。

第一手消息請下載on.cc東網iPhone/iPad/Android/Windows Phone Apps