政情：今日你上鏡：醒獅埋身 葉劉拗腰怕撞親
相信大家仲記得新民黨主席、立法會議員葉劉淑儀（葉劉）舊年農曆年初二參加車公誕參拜儀式時，曾被表演嘅麒麟「轟襲」致整個人撞飛，似乎留有陰影，佢遇到醒獅都驚魂未定！話說該黨喺大埔嘅辦事處開幕，助興嘅醒獅舞埋葉劉身邊採青時，佢不斷露出有少少驚嘅表情，仲微微向後拗腰，抬頭望實隻醒獅添！葉劉之後話「要好小心，以免撞到啦，香港地方窄o架嘛！」
另外，其黨友大律師容海恩就聯同民建聯副主席周浩鼎等人，宣布成立「反壟斷、保民生關注組」，唔預自己黨友合作，反而益其他黨，真係令人大惑不解！容海恩就話，覺得民生議題唔應該有黨派之分喎！