小三全港性系統評估（TSA）操練文化停不了，由局長吳克儉（吳得掂）領導嘅教育局舊年底向全港學校發通告「補鑊」，包括提醒學校唔應該使用為操練TSA而設嘅補充練習或應試練習，但部分學校明顯懶理，選擇喺新學年「繼續操」，事關唔少學生家長對外反映，最少八間小學已向家長派發下學年書單，當中部分小學竟提早要求升小二嘅學生購買TSA補充，咁做真係摑咗吳得掂一巴，無視甚至係將當局早前出嘅通告掃落地氈底，真係令吳得掂顏面何存！
