政情：樹根傳離巢 埋堆「要本土」？

立法會議員鍾樹根近日與其所屬嘅民建聯（民記）不和，甚至爆出退黨傳聞。正當外界食住花生猜測樹根去向之際，前日深夜，一位網台主持就在社交網站發布一張樹根與社民連陶君行、曾在公開場合涉向財政司司長曾俊華「掟蛋」、以及路姆西公仔嘅曾浚瑛及主張港獨嘅香港民主進步黨楊繼昌等人同枱食飯嘅合照。莫非提倡「要本土、不要分離」嘅樹根決定要「轉軚」向本土或港獨分子埋堆？