政情：郭炳湘傳被狗咬傷
自從爭產風波之後自立門戶的新鴻基地產前主席郭炳湘，一直久未露面，非常低調，政商界近日傳出，郭炳湘在家中被狗咬傷，而且傷勢非常嚴重，更需要以輪椅出入添！事件令圈中人大為驚訝，未知道郭炳湘傷勢如何。
本報四出打聽發現原來傳言只係誇大，據了解，郭炳湘的確係因為狗而受傷，但並非被狗咬，而係佢早前在家與愛犬把玩時不慎撞倒受傷，至於傷勢亦不如傳聞般嚴重。郭炳湘闖蕩商界多年，一舉一動都令大家關注，既然傷勢無大礙，未知幾時會主動現身闢謠呢？
事實上，大家擔心都不無道理，早前女藝人姚子羚，就正正喺家中被唐狗咬傷，臉上有多處傷痕，差啲毀容，更要入院縫針，停工多個月休息，所以同寵物玩時都要小心為上呀！