位於廣華醫院內嘅東華三院文物館本月中旬起暫停開放，東華三院副主席王賢誌（Vinci）日前就趁住閉館前帶咗一班名人去參觀。參觀完一輪之後，Vinci問各位有咩意見，大律師兼「港姐男友」林作就笑笑口指文物館門前張寫有英文「Welcome」（歡迎光臨）嘅地氈略顯突兀，與文物館格格不入，應該襯番館內嘅布置，於重開後換成中文字地毯喎。點知Vinci腦轉數好快，機智回應話，請在場嘉賓到時捐一張地氈啦！
