政情:公民講場:端午活雞供應 高永文拖延公布

自有活家禽檔嘅糞便樣本驗出帶H7N9病毒,全港已即時停售活雞,而禁令更隨住跨部門會議而延長,因為食物及衞生局局長高永文宣布繼續停售,並決定銷毁長沙灣臨時家禽批發市場所有活禽。咁咪代表市民過節又冇雞食?咁又未必喎,因為高永文無實牙實齒講明停到幾時,淨係話爭取喺聽日、即端午節前一日有檢測結果,若果全部樣本呈陰性就可以恢復活雞供應嘞。市民最關心嘅係過節有冇活雞食,但當局就拖到最後一刻先公布,唔通高永文覺得端午節淨係食糉就足夠?定係拖到最後可以減低對市民嘅不便同不滿呢?

第一手消息請下載on.cc東網iPhone/iPad/Android/Windows Phone Apps