政情:宣言講自決 民協唔認跟風

傘後組織主張本土自決浪潮一發不可收拾,連傳統泛民政黨都不能迴避。繼民主黨早前草擬本土決議文,公民黨則趁成立十周年提倡「本土、自主、多元」,而成立三十周年嘅民協亦遲到好過冇到,有樣學樣推出「公義、自主、自治」宣言,聲稱希望透過內部自決,實現真正嘅民主,民協否認此宣言係跟隨其他政黨,真係信不信由你嘞!

民協尋日發表三十周年宣言,提倡「港人自主、民主自治」新方向,希望透過香港人內部自決,決定香港特首人選、立法會普選方法、香港經濟發展方向等。宣言又指,不抗拒與中央政府進行有意義嘅商議,也不排斥對香港社會和經濟有利嘅中港合作。

港獨不屬於選項

民協主席莫嘉嫻否認發表有關宣言係跟隨其他政黨,稱民協三十周年係一個好時機,重新定位以回應時代嘅要求。

當問及自決是否代表支持港獨,有民協中人斬釘截鐵指港獨不屬於選項,重申普選特首同立法會係中央給予香港人嘅權利。

第一手消息請下載on.cc東網iPhone/iPad/Android/Windows Phone Apps