政情：今日你上鏡：「孖根」柴灣龍舟競渡賽黐埋

立法會議員鍾樹根（樹根）（圖右）同漁農界前議員黃容根（根叔）（圖左）個名，最尾個字都係「根」字，早兩日樹根喺立法會，就話好彩根叔唔喺度，如果唔係就「黐孖根」喇。說時遲那時快，佢兩個尋日就喺柴灣龍舟競渡大賽活動上相遇，今次仲唔係「黐孖根」？其實柴灣龍舟競渡係柴灣漁民娛樂會舉辦，話晒兩人同漁民都好有關係，所以出席呢類活動都好正常。不過，原定出席嘅民建聯主席李慧琼及現任漁農界議員何俊賢就因事缺席，認真係耐人尋味，唔通驚見到「黐孖根」？