政情：公民講場：假難民不息 香港陸沉
假難民罪行日新月異，手法更日趨猖狂！尋日凌晨有三名非洲漢，明目張膽「佔領」尖沙咀彌敦道一間銀行理財中心，利用過百張來歷不明嘅信用卡瘋狂撳錢，其中一人最少撳咗成十幾萬港元。三人明顯係受僱犯案，背後肯定有龐大嘅犯罪集團甚至黑幫操控。
東方報業集團早喺幾年前已開始報道假難民問題，揭示本港嘅免遣返聲請機制遭到濫用，吸引大量來自南亞同非洲嘅假難民湧港呃津貼及打黑工，每年虛耗納稅人數以億計公帑。部分假難民更係被黑幫操控，從事偷竊、搶劫、毆鬥、販毒等嚴重罪行，依家連經濟犯罪都撈埋，名副其實係「今日上岸做小偷，他日可能成大盜」！
不過，我哋呢個「冇神經」嘅特區政府，至今仍對假難民及其帶來嘅治安問題後知後覺，未能提出即時同有效嘅解決措施，負責統籌保安、法援及法律政策嘅政務司司長林鄭月娥及律政司司長袁國強，實在責無旁貸，集體失職。最離譜嘅係，部分泛民政客如社民連立法會議員梁國雄、工黨立法會議員張超雄等人，仲公然幫班假難民講好話，反屈關注有關問題嘅政敵同傳媒係種族歧視。再咁搞落去，香港想唔沉淪都幾難，甚至陸沉都有之，全港七百萬市民隨時要集體陪葬！