政情：今日你上鏡：繆家濤餐飲說故事

香港餐飲業競爭激烈，享譽國際嘅名廚近年接連到香港開店，唔少本地薑都話招架不住。做品牌授權生意嘅香港品牌發展局成員繆家濤（Karl），早前都開咗一間英國皇室女御廚Carolyn Robb嘅主題餐廳，吸引唔少追捧皇室情懷嘅食客幫襯，連威廉王子結婚時嘅朱古力脆餅蛋糕都有得食。Karl話，今時今日開餐廳，食物質素固然重要，但最緊要係有話題及故事。佢諗緊喺七月推出當年英國自香港撤退返老家嘅皇家遊艇上，查理斯王子等人享用嘅菜式，事關呢位女御廚當時都喺船上工作過。