變身銀髮模特 「長者都可以好正」
【記者馮穎瑜報道】「主流意識一講起模特兒，梗係要青春少女！老人家永遠係配角」，卅歲前傳媒人張艾渟眼見一班老友記常被社會標籤成「老弱殘兵」，決定反其道而行，上月開設全港首間銀髮模特兒公司「老正工作室」，將老友記重新打造成鎂光燈下的耀眼主角，以創新手法讓更多人明白「退休唔一定要留喺屋企，或者去公園等日子過，老都可以好正」。模特兒李鳳齡更形容，「六十歲先重新長大……估唔到我都可以做model（模特兒）！」
自信心提升 「有番目標做嘢」
艾渟因以往工作經常接觸老友記，包括六十歲的李鳳齡和六十三歲半退休人士黃偉明，發現他們非常健康、有活力和貪玩，「係有待社會發掘嘅寶藏」，去年開始籌備自資的「老正工作室」，今年初開業，培訓模特兒及進行拍攝，幾個月已邀得十多名模特兒加入。她希望打破社會既定框架，重新演繹長者定義，啟發更多人明白年老只是人生一個階段，銀髮族同樣可展現其獨有美態。
長髮披肩外形新潮的鳳齡本是家庭主婦，早前成功接下模特兒首份工作，笑言「以前覺得下巴兜兜先做到（模特兒），原來我都得」，投入工作後「好似有番目標做嘢，想自己健康啲，執番個儀容」，得到的滿足感比收入更重要。
黃偉明在鏡頭前散發熟男星味，他直言當初很懷疑自己能力，「質素有限，覺得有冇可能做到，出街可能畀人笑」。他拍過首輯相片後開始改觀，「覺得喺專業培訓下都有機會做到」，更自覺以業餘模特兒水準來說，其閱歷及淡定態度均較年輕人勝一籌，自信心大大提升。
他希望自身經驗可感染別人，「有朋友覺得呢啲係後生仔做，但想畀正面訊息佢哋，雖然老但都有好多嘢做，多啲接觸社會。」