立法會議員陳克勤（左一）尋日喺個人社交網站展現感性一面，上載一張與三名同黨區議員，齊齊豎起拇指畀Like嘅自拍照，大嘆「長江後浪推前浪」。呢三位區議員分別係屯門葉文斌（右二）、北區姚銘（左二）及曾興隆（右一），而三人都曾經做過克勤嘅議員助理，難怪克勤見到佢哋能夠獨當一面做區議員時都有感而發喇！其中姚銘同葉文斌更賣口乖，留言讚克勤係福將，亦有網民讚佢係高質素嘅領導、桃李滿門。不過，克勤咁講又真係搞到自己老晒喎，唔係咁快急流勇退吓嘛？
（互聯網）
