今屆立法會會期快將完結，近日開會開到無時停，以便完成餘下嘅法案，但會計界議員梁繼昌（Kenneth） 就話，下月中有一晚要暫時放低立法會工作，事關要同多年無見嘅小學同學聚會。Kenneth好感慨話，當年小學畢業之後，有大約四分一班嘅同學赴美留學，而留港讀書嘅亦鮮有聯絡，四十年來幾乎同成班同學斷絕聯絡，所以幾忙都會抽時間出席聚會，否則下次唔知要等到幾時喇。佢又分享小五時嘅班相，原來佢當年仲未做四眼仔。